मराठवाडा प्रशासकीय व विकास प्रशिक्षण प्रबोधिनी, पैठणप्रशिक्षण
महाराष्ट्र राज्य प्रशिक्षण धोरण 2011 हे राज्यातील प्रशासनिक प्रशिक्षण व्यवस्थेच्या सुधारणा आणि सुसूत्रीकरणासाठी तयार करण्यात आले आहे. या धोरणानुसार राज्यात तीन स्तरांवर प्रशिक्षण संस्थांची स्थापना करण्यात आली आहे. तसेच प्रशिक्षण संस्थांमध्ये एकसमान पदसंख्या आणि आकृतीबंध निश्चित करण्याचा निर्णय घेण्यात आला आहे
या धोरणाच्या अंतर्गत विभागीय प्रशासनिक प्रशिक्षण संस्थांना अधिक सक्षम बनविण्यासाठी विविध उपाययोजना करण्यात आल्या आहेत. यामध्ये विभागीय प्रशिक्षण संस्थांमध्ये प्रशिक्षणाचा दर्जा समान राखणे, प्रशिक्षणासाठी आवश्यक मनुष्यबळ उपलब्ध करणे, आणि प्रशिक्षण प्रक्रियेत सुधारणा करणे यांचा समावेश आहे
तुम्हाला या धोरणाबद्दल अधिक सविस्तर माहिती हवी असल्यास, तुम्ही इथे क्‍लीक करुन पाहू शकता
उजळणी प्रशिक्षण
कोणतेही प्रशिक्षण झाल्‍यानंतर 7 वर्षाचा कालावधी लोटल्‍यावर हे प्रशिक्षण सर्व संवर्गातील कर्मचाऱ्यांसाठी हे दिले जाते. गट अ, ब आणि क साठी ५ दिवसांचे, तर गट ड साठी ३ दिवसांचे उजळणी प्रशिक्षण असते
पायाभुत प्रशिक्षण
नव्याने नियुक्त झालेल्या गट अ, ब, क आणि ड संवर्गातील कर्मचाऱ्यांना सेवेत प्रवेश करताना किंवा पदस्थापनेनंतर ६ महिन्यांत हे प्रशिक्षण पूर्ण करणे आवश्यक आ.
पदौन्‍नती नंतरचे प्रशिक्षण
गट अ, ब आणि क संवर्गातील कर्मचाऱ्यांना पदोन्नती मिळाल्यानंतर १२ दिवसांचे प्रशिक्षण दिले जाते, तर गट ड साठी हे प्रशिक्षण लागू नाही
विशेष प्रशिक्षण
नव्याने योजना अथवा कार्यपध्‍दतीमध्‍ये तंत्रज्ञानाचा वापर केल्‍यास त्‍याचे 1 ते 3 दिवसीय प्रशिक्षण विभागाच्‍या मागणी नुसार ठेवण्‍यात येते.
ईतर प्रशिक्षणे
या प्रशिक्षण कार्यक्रमांचे उद्दिष्ट प्रशासनाची कार्यक्षमता वाढवणे आणि अधिकाऱ्यांना त्यांच्या जबाबदाऱ्या अधिक प्रभावीपणे पार पाडण्यासाठी सक्षम करणे आहे.